Scorpion King

நடன சூப்பர் ஸ்டார் மைக்கேல் ஜாக்சன் மரணம்

2009-06-26T13:09:00.004+05:30

அமெரிக்க இசை உலகின் சூப்பர் ஸ்டாராக விளங்கிய மைக்கேல் ஜாக்சன் (50), மரணம் அடைந்துவிட்டார். பாப் பாடகர், பாடலாசிரியர், இசை தயாரிப்பாளர், டான்சர், நடிகர் மற்றும் தொழில் அதிபர் என்று மைக்கேல் ஜாக்சனுக்கு பல முகங்கள் உண்டு.

1958 ஆக. 29ல், ஜோசப் வால்டர் மற்றும் காதரின் எஸ்தர் ஆகியோருக்கு, ஏழாவது மகனாக, இண்டியானா நகருக்கு அருகிலுள்ள கேரி எனும் இடத்தில் பிறந்தவர் ஜாக்சன். இவரது குடும்பம் சாதாரணமானது. வீட்டில் மொத்தம் 9 பிள்ளைகள். 11 வயதிலேயே அவரது சகோரர்களுடன் இணைந்து " தி ஜாக்சன் 5' இசை நிகழ்ச்சி நடத்தினார் மற்றும் ஆல்பங்களை வெளியிட்டார். "ஐ வான்ட் யூ பேக்' எனும் ஆல்பம் மிகவும் பிரபலம் ஆனது.

சகோதரர்களுடன் தொடர்ச்சியான "ஹிட்' ஆல்பங்களை கொடுத்துக் கொண்டிருந்த ஜாக்சன், 1971ம் ஆண்டு முதல் இசை உலகின் தனது தனி பிரவேசத்தை மேற்கொண்டார். 1972ல் "காட் டு பி தேர்' எனும் ஆல்பம், 1979ல் "ஆப் தி வால்' எனும் "டிஸ்கோ டான்ஸ்' இசை நிகழ்ச்சி, 1982ல் "திரில்லர்' ஆல்பம், 1987ல் "பேட்' , 1991ல் "டேஞ்சரஸ்' மற்றும் 1995ல் "ஹிஸ்டரி' ஆகிய ஆல்பங்கள் சக்கை போடு போட்டன.

1980களில் இவர் அமெரிக்க இசை உலகின் தனி ராஜாவாக (தி கிங் ஆப் பாப்) உருவானார். அப்போதுதான் எம்.டி.வி., உருவாகியிருந்த நேரம். இந்த "டிவி' ஜாக்சனின் நிகழ்ச்சியால் பிரபலம் அடையத் தொடங்கியது. "பீட் இட்', "பில்லி ஜீன்' மற்றும் "திரில்லர்' ஆகிய இசை நிகழ்ச்சிகள் எம்.டி.வி.,யின் "ஹிட்' நிகழ்ச்சிகள்.

1990களில் "பிளாக் ஆர் ஒயிட்' மற்றும் "ஸ்கிரீம்' ஆகிய நிகழ்ச்சிகள் எம்.டி.வி.,யின் புகழை உச்சிக்கு எடுத்து சென்றன. ஜாக்சனின் நடனம் மிகவும் வித்தியாசமானது. அதற்கு முன் யாரும் அதுபோன்று நடனம் ஆடியது இல்லை. மிகவும் சிக்கலான உடல் அசைவுகளை வெளிப்படுத்தும் விதத்தில் அவர் ஆடினார். ரோபோ நடப்பது போன்றும், நிலவில் காலடி எடுத்து வைத்த வீரர்கள் போன்றும் மேடையில் ஜாக்சன் ஆடியது, ரசிகர்களை மெய்மறக்கச் செய்தது.

உலகம் முழுவதும் 75 கோடி ஆல்பங்கள், 13 கிராம்மி விருதுகள் பெற்று கின்னஸ் புத்தகத்தில் இடம்பெற்றது என ஜாக்சனின் புகழ் உச்சிக்கு சென்றது. அமெரிக்காவில் பாப், ராக் இசையில் 1980களில், மைக்கேல் ஜாக்சனுக்கு ஈடு இணை யாரும் இல்லை என்ற அளவில் உயர்ந்தார். ராணுவ உடை போன்ற உடைகளையே அவர் மேடையில் விரும்பி அணிவார். அவருக்கு நிறுவப்பட்ட பெரும்பாலான சிலைகள் அந்த தோற்றத்திலேயேதான் உள்ளன.

20ம் நூற்றாண்டின் மாபெரும் ஹீரோவாக விளங்கியவர். ஆனால், அவர் வாழ்க்கையின் இறுதிக் கட்டத்தில் புகழ் சரிந்து, வீழ்ச்சி அடைந்தவராக காணப்பட்டார்.

அவர் பலமுறை பிளாஸ்டிக் சர்ஜரி செய்தது, போதை, தவறான பாலியல் நடவடிக்கைகளில் ஈடுபட்டது ஆகியன வீழ்ச்சிக்கு காரணங்கள். பிளாஸ்டிக் சர்ஜரி செய்த இடங்களில் புற்றுநோய் ஏற்பட்டதாகவும் கூறப்படுகிறது. என்றாலும் தனது இசை உலக மறு பிரவேசத்தை நடத்த அவர் திட்டமிட்டிருந்தார். அடுத்த மாதம் முதல், 2010ம் ஆண்டு வரை லண்டனில் 50 இசை கச்சேரிகளுக்கு அவர் திட்டமிட்டிருந்தார். இதற்காக அவர் இன்னொரு பிளாஸ்டிக் சர்ஜரி செய்யவும் திட்டமிட்டிருந்தார்.

மாரடைப்பால் ஜாக்சன் நேற்று லாஸ் ஏஞ்சல்ஸ் நகரில் காலமானார். ஜாக்சன் மரணம் இசை உலகத்திற்கு பெரும் இழப்பு ...

சென்னை ஐகோர்ட்டின் வித்தியாசமான தண்டனை

2009-06-10T16:17:00.003+05:30

இலங்கை பிரச்சனையில் தமிழர்கள் கொலை செய்யப்படுவதை கண்டித்து கோவையில் ஆர்ப்பாட்டம் நடத்தப்பட்ட போது சிலர் தேசியக் கொடியை எரிக்க முயன்றதாக குற்றம்சாட்டப்பட்டது. இதையடுத்து கைது செய்யப்பட்ட அவர்கள் அனைவரும் தங்களை பிணையில் விடுதலை செய்யக் கோரி மனு தாக்கல் செய்தனர்.

இந்த மனு நீதிபதி ரகுபதி, தேசியக் கொடியின் மகத்துவத்தை அவர்கள் உணர்ந்து கொள்ளும் வகையில் அவர்கள் தினந்தோறும் தேசியக் கொடியை தங்கள் வீட்டின் முன் காலை 6 மணிக்கு ஏற்றி மாலை 6 மணிக்கு இறக்க வேண்டும் என்று உத்தரவிட்டார்.

இந்த உத்தரவை அவர்கள் நிறைவேற்றுகிறார்களா என்பதை கோவை போலீசார் கண்காணிக்க வேண்டும் என்றும் நீதிபதி தெரிவித்தார்.

இது தவிர அவர்கள் அனைவரும் ஏதேனும் ஓர் அiனாதை இல்லத்திற்கு சென்று 3 மணி நேரம் சேவை செய்ய வேண்டும் என்றும் நீதிபதி உத்தரவிட்டார்.

கைது செய்யப்பட்ட அனைவரையும் தலா 10 ஆயிரம் ரூபாய் பிணைத் தொகை செலுத்தி அவர்களை விடுதலை செய்யவும் நீதிபதி உத்தரவிட்டார்.

IPL காமெடி கலாட்டா .. சிரிக்க மட்டும் !!!!

2009-04-29T08:38:00.020+05:30

இது ஒரு கற்பனையே .... பிடித்தால் வாக்களியுங்கள்

ஆனந்த பவன்-ல் மக்கள் ஆதங்கம்

2009-04-27T11:37:00.002+05:30

படத்தில் இருக்கும் இந்தக் கட்டிடம் என்ன என்று தெரிகிறதா? இந்தியாவின் முதல் பிரதமரான பண்டிட் ஜவஹர்லால் நேருவின் முன்னோருக்கு சொந்தமான வீடுதான் இது. ஆனந்த பவன் என்ற இந்த வீடு அலகாபாத்தில் உள்ளது.

இந்த வீட்டிற்கு இன்றும் ஏராளமான மக்கள் வந்து ஜவஹர்லால் நேரு, அவரது தந்தை மோதிலால் நேரு அவரது மகள் இந்திரா ஆகியோரது அறைகளை பார்வையிட்டு செல்கின்றனர். காந்தி வரும் போதெல்லாம் தங்குவதற்காக ஒதுக்கப்பட்டிருந்த அறையையும், காங்கிரஸ் கூட்டம் நடைபெறும் அறையையும் மக்கள் ஒரு கோயிலைப் போல் தரிசித்துச் செல்கின்றனர்.

ஆனால் அவர்கள் அனைவரது மனத்திலும் ஒருவித ஏக்கம் இருந்து கொண்டுதான் இருக்கிறது. நேருவை மட்டுமல்ல, அவரைத் தொடர்ந்து 6 பிரதமர்களை இந்த நாட்டிற்கு அளித்த உத்தர பிரதேச மாநிலத்தில் இன்று பதவியில் உள்ளவர்களில் 40 சதவிகிதத்திற்கும் மேற்பட்டோர் குற்றப்பின்னணி கொண்டவர்களாவர்.

அலகாபாத்தில் உள்ள புல்பூர் என்ற தொகுதியில் இருந்துதான் நேரு தேர்ந்தெடுக்கப்பட்டு முதல் பிரதமரானார். அவருக்குப் பின்னால் பிரதமர்களாக இருந்த லால் பகத}ர் சாஸ்திரி மற்றும் விபி சிங் ஆகியோர் இங்கிருந்துதான் தேர்ந்தெடுக்கப்பட்டனர். இங்கிருந்து சில கிலோ மீட்டர் தொலைவில் உள்ள ரே பரேலியில் இருந்து தான் இந்திரா காந்தியும், அமேதியில் இரந்து ராஜீவ் காந்தியும் தேர்ந்தெடுக்கப்பட்டு பிரதமர் ஆனார்கள்.

இங்கிருந்து மேலும் சில கிலோ மீட்டர் தொலைவில் உள்ள லக்னோவில் இருந்து தேர்தந்தெடுக்கப்ட்டவர்தான் முன்னாள் பிரதமர் வாஜ்பாய். மற்ற முன்னாள் பிரதமர்களான சரண்சிங் மற்றும் சந்திரசேகர் ஆகியோரும் உத்தர பிரதேசத்திலிருந்துதான் தேர்ந்தெடுக்கப்பட்டனர்.

ஆனால் இன்று உத்தர பிரதேசத்தில் உள்ள நிலைமை தலைகீழாக இருக்கிறது. உத்தர பிரதேச சட்டப்பேரவையில் உறுப்பினர்களாக உள்ளவர்களில் 40 சதவிகிதம் பேர் குற்றப்பின்னணி கொண்டவர்கள். இவர்களில் பெரும்பாலானவர்கள் நாடாளுமன்ற தேர்தலில் வேட்பாளர்களாகவும் உள்ளனர்.

நேரு போன்ற நேர்மையான மனிதர்களை அனுப்பிய உத்தர பிரதேசத்தில் தற்போது இதுதான் நிலைமை என்பது வருத்தமளிப்பதாக உள்ளது என்கிறார் காந்திய அமைப்பு ஒன்றை சேர்ந்த மிஸ்ரா.

நேரு பிரதமராக இருந்தபோது, தனது தொகுதியான அலகாபாத்துக்கு எதுவும் செய்ய மறுத்துவிட்டார். பிரதமராக இருக்கும் போது நாடு முழுவதும் தமக்கு முக்கியம் என்றும், அலகாபாத்துக்கு ஏதாவது செய்தால் சலுகை காட்டுவதாக விமர்சனம் வரும் என்று எருதினார் என்று கூறிய மிஸ்ரா, ஆனால் தற்போது உள்ளவர்கள் நேர் எதிராக உள்ளனர் என்றார். முன்னாள் முதல்வர் முலாயம் சிங் தன் கிராமத்திற்காக ஒரு விமான நிலையத்தை உருவாக்கியதை அவர் இதற்கு உதாரணமாக சுட்டிக் காட்டினார்.

என்னையே பலி கொடுக்கிறேன் - கருணாநிதி

2009-04-27T11:32:00.002+05:30

இலங்கையில் உடனடியாக போர் நிறுத்தப்பட வேண்டும் என்பதை வலியுறுத்தி, தமிழக முதல்வரும், தி.மு.க. தலைவருமான கருணாநிதி இன்று திடீரென காலவரையற்ற உண்ணாவிரதப் போராட்டத்தைத் தொடங்கினார்.

இலங்கையில் போரின் காரணமாக, பல்லாயிரக்கணக்கான தமிழர்கள் கொல்லப்பட்டு வரும் நிலையில், உலக நாடுகளின் கோரிக்கையை ஏற்று தங்கள் தரப்பு போரை நிறுத்திக் கொள்வதாக விடுதலைப்புலிகள் நேற்று அறிவித்தது.

ஆனால், வேண்டுமானால் சரணடையுங்கள்; போரை நிறுத்த முடியாது என்று இலங்கை அரசு திட்டவட்டமாக மறுத்துவிட்டது.

இந்த நிலவரம் பற்றி முதல்வர் கருணாநிதி நேற்றிரவு கூறுகையில், "இன்னும் ஓர் இரவு காத்திருப்போம்," என்று கூறினார்.

இந்நிலையில், முதல்வர் கருணாநிதி இன்று அதிகாலையில் திடீரென காலவரையற்ற உண்ணாவிரதப் போராட்டத்தை தொடங்கினார்.

இலங்கையில் போர் நிறுத்தப்படும் வரை உண்ணாவிரதம் இருக்கப்போவதாக தெரிவித்து, சென்னை அண்ணா நினைவிடம் முன்பு இன்று அதிகாலை திடீரென வந்து, தனது காலவரையற்ற உண்ணாவிரதத்தைத் தொடங்கினார்.

இலங்கை தமிழர்களுக்காக என்னையே பலி கொடுக்க தயாராகிவிட்டேன் என்று முதலமைச்சர் மு கருணாநிதி கூறியுள்ளார்.

உண்ணாவிரதம் இருக்கும் இடத்தில் செய்தியாளர்களிடம் பேசிய கருணாநிதி கூறியதாவது

தமிழக மக்களின் சார்பாக இலங்கை தமிழர்களை பாதுகாக்க நேற்று வரையில் நம்பிக்கை தரும் அளவுக்கு இலங்கை அரசு போர் நிறுத்தம் செய்யும் என்ற நிலை மாறி விடுதலைப் புலிகள் போர் நிறுத்தம் அறிவித்த பிறகும் அதை ஏற்க முடியாது என்று கூறிய காரணத்தால் நேற்று இரவு முழுவதும் கண் விழித்திருந்து செய்தி எதிர்பார்த்து இலங்கையில் சிங்கள அரசு போர் நிறுத்தம் செய்ய முன்வராத காரணத்தால் என்னையே நான் அர்ப்பணம் செய்து கொள்ள, ராஜபக்சே செய்த பலிகளிலே நானும் ஒரு பலியாக, எல்லா தமிழர்களின் சார்பாக இந்த உண்ணாவிரதத்தை தொடங்கியுள்ளேன். திமுகவினர் யாரும், அமைச்சர்களாக இருந்தாலும்,. எம்பி, எம்எல்ஏவாக இருந்தாலும் ஈடுபட வேண்டாம். நான் ஒருவன் அதற்காக என்னையே பலி கொடுக்க தீர்மானித்திருக்கிறேன். என் அன்பான வேண்டுகோளை கட்டளையாக ஏற்றுக் கொள்கிறேன்.

கருணாநிதியின் இந்த உண்ணாவிரதம் அரசியல் அரங்கில் பெரும் பரபரப்பை ஏற்படுத்தியுள்ளது.

பத்மஸ்ரீ விருதை உதறினார் பாரதிராஜா - திருப்பி அனுப்புகிறார்

2009-04-24T16:14:00.005+05:30

திரையுலக தமிழீழ ஆதரவு இயக்கப் போராட்டத்தில் கலந்து கொண்டு அவர் பேசுகையில், பாரதிராஜா எதையும் எதிர்பாராதவன். எனக்கு நாற்காலி கனவு கிடையாது. `தமிழன்' என்பதற்கு இணையான நாற்காலி எதுவும் கிடையாது. இந்த நூற்றாண்டில் பிரபாகரனுடன் யாரையும் ஒப்பிட்டு சொல்ல முடியாது.
பிரபாகரனை சாதாரணமாக நினைக்காதீர்கள்.. நான் பிரபாகரனை சந்தித்தபோது, எனக்கு ரோல் மாடல் நேதாஜி சுபாஷ் சந்திரபோஸ்தான் என்றார். அவருடைய சுயசரிதையை அடிக்கடி படிப்பதாக கூறினார். அவரை சாதாரணமாக நினைத்து விடாதீர்கள். 28 வருடங்களாக உறுதியாக இருக்கும் உரமுள்ள தமிழன். அவருக்கு மைக் பிடித்து பேச தெரியாது. செயலில்தான் காட்ட தெரியும். அவரை ஜெயிக்க முடியாத காரணத்தால், ராஜபக்சேவுக்கு இந்திய அரசு கொல்லைப்புற வழியாக ஆயுதங்களை அனுப்பி ஜெயிக்க வைத்துக்கொண்டிருக்கிறது. முழு முதல் குற்றவாளி மத்திய அரசு தான்.

உள்ளே போட்டாலும் கவலை இல்லை..

சோனியாவை விமர்சித்தால் தேச விரோத குற்றம் என்கிறார்கள். எங்களை உள்ளே தூக்கி போட்டாலும் கவலை இல்லை. நாங்கள் அரசியல்வாதிகளிடம் யாசகம் கேட்கவில்லை. எங்கள் சொந்த ரத்தங்களை, குழந்தைகளை, சகோதரிகளை காப்பாற்ற வேண்டும் என்றுதான் கேட்கிறோம். இதை மத்திய அரசுக்கு தெரிவிக்கும் விதமாக, எனக்கு மத்திய அரசு வழங்கிய பத்மஸ்ரீ விருதை திருப்பி அனுப்புகிறேன் என்றார்.

அரசியல்ல இதெல்லாம் சகஜமப்பா...!

2009-04-22T13:15:00.007+05:30

உலகெங்கும் பல நாடுகளில் பொருளாதாரநெருக்கடியும், அதனால் வளர்ச்சிபின்னடைவும் ஏற்பட்டுவரும் நிலையில், நம்நாட்டின் பொருளாதார வளர்ச்சி, தொடர்ந்து 9 சதவீதமாக இருக்கும் என, பிரணாப் முகர்ஜிஅறிவித்திருப்பது மகிழ்ச்சி அளிக்கிறது. (16.2.2009ல் ராமதாஸ் அறிக்கை)

நாட்டில் வளர்ச்சி இல்லை. விவசாயம் இல்லை. மின்வெட்டு பிரச்னையும் தலை தூக்கியுள்ளதால் மக்கள் தேர்தலில்சரியான பாடம் புகட்டுவர். (15.4.2009 சிதம்பரத்தில் ராமதாஸ் பேட்டி)

ஜெயலலிதா அரசை தூக்கி எறிவது மட்டுமல்ல; திராவிட அரசியலில் இருந்தும் ஜெயலலிதா அகற்றப்பட வேண்டும். (30.4.2004 அருப்புக்கோட்டை கூட்டத்தில் வைகோ பேச்சு)

புரட்சித் தலைவிக்கு பிரதமராக எல்லாத் தகுதிகளும் இருக்கின்றன. அவருக்கு பல மொழிகள் தெரியும். தெளிவானசிந்தனைவாதி. எடுத்த முடிவில் உறுதியாய் இருப்பார். தேர்தலுக்குப் பின் யார் பிரதமர் என்ற சூழல் உருவாகும்பட்சத்தில் புரட்சித் தலைவி பெயரை முன்மொழிவதில் முதல் ஆளாக நான் இருப்பேன். (19.4.2009 சென்னை பொதுக்கூட்டத்தில் வைகோ பேச்சு)

'இனி தமிழன் என்று சொல்லடா தலைகுனிந்து நில்லடா' - சத்யராஜ்

2009-04-21T11:48:00.004+05:30

உலகமெங்கும் உள்ள தமிழர்கள் தங்கள் ஈழ உறவுகளுக்காக ஒன்றுபட்டு குரல் கொடுக்கிறார்கள். ஆனால் தாயகத் தமிழர்களான நாம் அதை சும்மா வேடிக்கை பார்த்துக் கொண்டிருக்கிறோம். மீண்டும் ஒரு பெரும் போராட்டத்தில் நாம் இறங்க வேண்டும் என நடிகர் சத்யராஜ் கூறினார். கவிஞர் பா.விஜய் கதாநாயகனாக அறிமுகமாகும் படம் ஞாபகங்கள். இந்தப் படத்தின் கதை, வசனம், பாடல்கள் எழுதி தயாரிக்கிறார் விஜய். இந்தப் படத்தின் பாடல்கள் வெளியீட்டு விழா, சென்னை ஏவி.எம். ஏசி ப்ளோரில் நடந்தது. பாடல்களை கவிஞர் வாலி வெளியிட, வைரமுத்து பெற்றுக் கொண்டார். விழாவுக்கு, தமிழ் திரைப்பட தயாரிப்பாளர்கள் சங்க தலைவர் ராம.நாராயணன் தலைமை தாங்கினார்.

விழாவில் பங்கேற்ற நடிகர் சத்யராஜ் பேசியதாவது:

இந்தப் பட நாயகன் விஜய்யைப் பார்க்கும் போதும், இந்த விழா நடைபெறும் இடத்தைக் கவனிக்கும்போதும் எனக்குள் பழைய ஞாபகங்கள் வந்துவிட்டன. நான் முதன்முதலாக சினிமா வாய்ப்பு கேட்டு நின்ற இடம் இந்த ஏவி.எம்.ஸ்டூடியோதான். முதன்முதலாக புரொடக்ஷன் மானேஜர் வேலை பார்த்ததும் இதே ஏவி.எம்.ஸ்டூடியோவில்தான். நான் நடித்த `வேதம் புதிது' படத்தை எம்.ஜி.ஆர். பார்த்தது, பாராட்டியதும் இதே ஏவி.எம்.ஸ்டூடியோவில்தான். இப்படி பல ஞாபகங்கள் என்னைக் கடந்து போகின்றன.

விஜய் என்ற பெயரை சொல்லும்போது, எனக்கு விஜயனன் என்ற பெயர் ஞாபகம் வருகிறது. யார் இந்த விஜயனன் தெரியுமா நண்பர்களே... ஒரிஸ்ஸாவில் இருந்து இலங்கைக்கு போய் குடியேறிய முதல் சிங்கள மன்னன்தான் இந்த விஜயனன். அதற்கு முன்பே தமிழர்கள் அங்கு குடியிருந்தார்கள். தமிழ் மன்னர்கள் பெரும் ராஜ்ஜியத்தை கட்டி ஆணடார்கள். இதற்கு ஆதாரமாக சிங்கள அரசே விஜயனன் என்ற மன்னனின் தபால் தலையைக் கூட வெளியிட்டுள்ளது. ஆக, வரலாற்றுரீதியாக இலங்கை தமிழர்களின் பூமி. ஒண்ட வந்த பிடாரி, ஊர் பிடாரியை விரட்டியதுபோல் இன்று சிங்கள அரசு நம் தமிழர்களை விரட்டுகிறது. இலங்கை மண்ணுக்கு உரிமை கொண்டாட வேண்டியவர்கள் தமிழர்கள்தான்.

ஐயா...நான் இறையாண்மைக்கு எதிரா எதுவும் பேசலீங்க... உண்மையைப் பேசுறேன்... சரித்திரத்தை, இந்திய- இலங்கை அரசாங்கங்கள் ஏற்றுக் கொண்ட சரித்திரத்தைத்தான் சொல்கிறேன். இந்த ஞாபகங்கள் விழாவில் நெஞ்சைவிட்டு அகலாத ஞாபகமாக ஈழ மண்ணில் நம் சொந்தங்கள் அழிந்துகொண்டிருப்பது சுற்றிச் சுழல்கிறது. தமிழ்நாட்டில் உள்ள எல்லா அமைப்புகளும், எல்லா கட்சிகளும் ஒன்று சேர்ந்து ஈழ தமிழர்களுக்காக மீண்டும் குரல் கொடுக்க வேண்டும்.

லண்டனில் இரண்டு லட்சம் தமிழர்கள் போராட்டம் நடத்தி இருக்கிறார்கள். பிரான்சு, ஜெர்மனி, நார்வே, அமெரிக்கா, ஆஸ்திரேலியா என உலகம் முழுக்க தமிழர் கொடியுடன் தமது உறவுகளின் உயிர்காக்க கண்ணீரும் கம்பலையுமாக போராட்டம் நடத்திக் கொண்டிருக்கிறார்கள். நாம் அவற்றைப் பற்றிய செய்திகளைப் படித்துக் கொண்டு பொழுதைக் கழிப்பதை விட்டுவிட்டு, மீண்டும் நமது உணர்வுகளை வலிமையாக இந்த அரசுக்குப் புரியும் விதமாகக் காட்ட வேண்டும். அனைத்து தலைவர்களும், கலைர்களும் ஒன்று சேர்ந்து, இலங்கை தமிழர்களுக்காக மீண்டும் ஒரு போராட்டத்தை அறிவிக்க வேண்டும். அதில், அனைத்து துறைகளை சேர்ந்தவர்களும்கூட கலந்துகொள்ள வேண்டும்.

உலகம் முழுக்க 8 கோடி தமிழர்கள் வாழ்ந்து கொண்டிருக்கிறோம். இலங்கையில் உள்ள 3 லட்சம் தமிழர்களை நாம் காப்பாற்றவில்லை என்றால், தமிழன் என்று சொல்லடா தலை நிமிர்ந்து நில்லடா என்று சொல்லிக்கொள்வதில் எந்த அர்த்தமும் இல்லை. இனி தமிழன் என்று சொல்லடா தலை குனிந்து நில்லடா என்றுதான் சொல்ல வேண்டியது வரும் என்றார் சத்யராஜ்.

சன் மைக்ரோசிஸ்டம்ஸ் இப்போது ஆரக்கிள் வசம்!

2009-04-21T11:41:00.002+05:30

பிரபல சாப்ட்வேர் நிறுவனமான சன் மைக்ரோ சிஸ்டம்ஸை கையகப்படுத்திவிட்டது ஆரக்கிள் நிறுவனம்.

இதற்காக அந்த நிறுவனம் 7.4 பில்லியன் டாலர்களை சன் மைக்ரோ சிஸ்டம்ஸுக்குத் தருகிறது. இதன்மூலம் ஆரக்கிள் நிறுவனம் சர்வதேச அளவில் சாப்ட்வேர் சூப்பர் பவராக உருவெடுத்துள்ளது.

ஏற்கெனவே பீப்பிள் சாப்ட், சைபல் சிஸ்டம்ஸ், ஜேடி எட்வர்ட்ஸ், ஐ பிளெக்ஸ் மற்றும் பிஇஏ சிஸ்டம்ஸ் போன்ற நிறுவனங்களை கையகப்படுத்தியிருந்தது ஆரக்கிள்.

சன் மைக்ரோசிஸ்டம்ஸை கையகப்படுத்தியதன் மூலம், சர்வதேச அளவில் முதல் நிலையில் உள்ள மைக்ரோசாப்டை ஓரங்கட்டும் அளவுக்குப் பெரிய நிறுவனமாக ஆரக்கிள் மாறியுள்ளது.

கடந்த ஆண்டு இந்தியாவில் மட்டும் ஆரக்கிள் நிறுவனத்தின் வருமானம் ரூ.5800 கோடி. இதே ஆண்டில் சன் மைக்ரோ சிஸ்டம்ஸ் ரூ.1674 கோடி சம்பாதித்தது. ஆரக்கிளுக்கு இந்தியாவில் 24000 பணியாளர்கள் உள்ளனர். சன்னுக்கு 1,200 உள்ளனர்.

'இந்த இணைப்பின் மூலம் மைக்ரோசாப்ட்டும் ஆரக்கிளும் உடனடி பணிப்போரில் இறங்குவார்கள் என எதிர்ப்பார்க்க முடியாதுதான். ஆனால் ஒரு விஷயம் தெளிவாகத் தெரிகிறது. இனி சாப்ட்வேர் துறையில் ஆரக்கிளின் கை ஓங்கிவிடும் என்பதே அது' என்கிறார்கள் ஐடி நிபுணர்கள்.

காதில் பூ சுற்றி சுயேச்சை வேட்பு மனு தாக்கல்

2009-04-21T11:35:00.003+05:30

நாமக்கல் தொகுதியில் வேட்புமனு தாக்கல் செய்ய சுயேட்சை வேட்பாளர் ஒருவர் வித்தியாசமாக காதில் பூ சுற்றி வந்தது அங்கு பரபரப்பை ஏற்படுத்தியுள்ளது. நாமக்கல் மாவட்டம், கபிலர்மலை பகுதியைச் சேர்ந்தவர் விவேகானந்தம். நாமக்கல் தொகுதியில் சுயேச்சையாக போட்டியிடுவதற்காக அவர் நேற்று வேட்புமனு தாக்கல் செய்ய மாவட்ட கலெக்டர் அலுவகத்திற்கு வந்தார். அப்போது அவர் தனது காதில் பூ சுற்றி கொண்டு வந்ததால் அங்கிருந்தவர்கள் அவரை வியப்புடன் பார்த்தனர். இது குறித்து நிருபர்கள் அவரிடம் விவேகானந்தம் கேட்ட போது, தேர்தலில் ஓட்டு வாங்க வேட்பாளர்கள் மக்களுக்கு வாக்குறுதி கொடுக்கின்றனர். ஆனால், தேர்தலில் வெற்றி பெற்ற பின்பு வாக்குறுதிகளை மறந்து மக்கள் காதில் பூ சுற்றி விடுகின்றனர். நான் அது போல் செய்ய மாட்டேன். அதனால் தான் காதில் பூ சுற்றி வந்து வேட்பு மனு தாக்கல் செய்தேன். நான் வெற்றி பெற்றால் தாழ்த்தப்பட்ட மக்களுக்காக சேவை செய்வேன் என்றார். என்ன ஒரு ஐடியா சார்ஜி!!!!

ஐ.பி.எல்., முதல் நாள் போட்டியின் டி.வி.ரேட்டிங் 16 சதவீதம் குறைந்துள்ளது

2009-04-20T16:19:00.002+05:30

பெரும் பரபரப்புடன் தென் ஆப்ரிக்காவில் துவங்கிய இரண்டாவது சுற்று ஐ.பி.எல்., டுவன்டி 20 கிரிக்கெட் போட்டிகளின் முதல் நாள் ஆட்டம், அதில் தோல்வியடைந்த சென்னை சூப்பர்கிங் அணிக்கு மட்டும் ஏமாற்றத்தை அளித்ததாக இருக்கவில்லை. விளம்பரதாரர்கள் மற்றும் டி.வி.ஒளிபரப்பாளர்களுக்குமே அது கடும் ஏமாற்றத்தை அளிப்பதாகத்தான் இருந்தது. காரணம் என்னவென்றால், அன்றைய போட்டியை டி.வி.,யில் ஒளிபரப்பு செய்த செட் மேக்ஸ் டி.வி.,யின் டி.வி. நேயர்கள் ரேட்டிங், கடந்த வருட முதல் நாள் போட்டியுடன் ஒப்பிட்டால் 16 சதவீதம் குறைந்துள்ளது. முதல் நாள் நடந்த முதல் போட்டியின் போது ( மும்பை இந்தியன்ஸூக்கும் சென்னை சூப்பர் கிங்ஸ்ஸூக்கு மிடையே நடந்தது ) டி.வி.ரேட்டிங் 3.6 சதவீதமாகவும், இரண்டாவது போட்டியின் போது ( ராயல் சேலஞ்சர் ஸூக்கும் ராஜஸ்தான் ராயல்ஸூக்கு மிடையே நடந்தது ) 3.8 சதவீதமாகத்தான் இருந்தது. ஆனால் இதுவே, கடந்த வருடம் நடந்த ஐ.பி.எல்., போட்டிகளின் முதல் நாள் ஆட்டத்தின் போது ( கோல்கட்டா னைட் ரைடர்ஸூக்கும் ராயல் சேலஞ்சர்ஸூக்குமிடையே நடந்தது ) டி.வி.ரேட்டிங் 4.3 சதவீதமாக இருந்தது. டி.வி. நேயர்களை பற்றி கணக்கெடுப்பு நடத்தி தகவல்களை வெளியிடும் ' ஆடியன்ஸ் மெஸர்மென்ட் அண்ட் அனலைட்டிக்ஸ் லிட்.,( ஏ மேப் ) நிறுவனம் இந்த தகவலை தெரிவித்திருக்கிறது. கேபில் கனெக்ஷன் வைத்திருப்ப வர்கள் மற்றும் இந்தியாவின் முக்கிய ஆறு நகரங்களில் இருக்கும் 15 க்குமேற்பட்ட வயதினரிடம் இந்த கணக்கெடுப்பை அவர்கள் எடுதிருக்கிறார்கள். டி.வி.,யில் ஒளிபரப்பப்படும் ஸ்போர்ட்ஸ் சேனல்களின் நேயர்கள் எண்ணிக்கையை கணக்கிட அவர்கள் இந்த வழிமுறையைத்தான் அவர்கள் பின்பற்றுகிறார்கள். இந்தியாவில் 8 கோடியே 60 லட்சம் பேரிடம் கேபிள் கனெக்ஷன் இருக்கின்றன. இருந்தாலும் கடந்த வருடம் நடந்த முதல் நாள் ஆட்டத்தை 5.6 மில்லியன் மக்களே டி.வி.யில் பார்த்திருந்த நிலையில், இந்த வருடம் நடந்த முதல் நாள் ஆட்டத்தை 7 மில்லியன் பேர் பார்த்திருக்கிறார்கள். கடந்த வருடத்தை விட 1.4 மில்லியன் பேர் கூடுதலாக பார்த்திருந்த போதும் ஏன் ரேட்டிங் மட்டும் குறைந்திருப்பதாக சொல்கிறீர்கள் என்று ' ஏ மேப் ' பின் சி.இ.ஓ., அமிட் வர்மாவிடம் கேட்டபோது, இதில் முக்கியமாக கவனிக்க வேண்டியது ஒன்று இருக்கிறது. அது என்னவென்றால், ஒவ்வொரு போட்டியையும் ஒருவர் எந்தனை மணி நேரம் பார்த்தார் என்பது தான் அது. அப்படி பார்த்தால், கடந்த வருட போட்டியை விட இந்த வருட போட்டி குறைந்த நேரமே மக்கள் பார்த்திருக்கி றார்கள். எனவே டி.வி.ரேட்டிங் குறைந்து விட்டது என்றார்.

தேர்தலுக்கு பின்னர் நடக்கப்போவது என்ன?

2009-04-20T15:37:00.004+05:30

புதிதாக பதவி ஏற்கும் அரசு, வரிகளை உயர்த்தும் என்றும், சிறிய அளவிலான பொதுத்துறை நிறுவனங்களை தனியார் மயமாக்கும் என்றும், பொருளாதாரத் துறை நிபுணர்கள் எதிர்பார்க்கின்றனர்.

லோக்சபா பொதுத்தேர்தலை ஒட்டி, காங்கிரஸ் கூட்டணி அரசு, இடைக்கால பட்ஜெட்டை தாக்கல் செய்துள்ளது. அதில் வரி விகிதங்கள் மாற்றி அமைக்கப்படவில்லை. சாமானியர்களுக்கு உதவும் வகையில், புதிய அரசு பதவியேற்கும் போது, வரி விகிதங்கள் அவர்களுக்கு சலுகை அளிக்கும் வகையில் மாற்றி அமைக்கப்படலாம் என்று, பட்ஜெட்டை தாக்கல் செய்த அமைச்சர் பிரணாப் முகர்ஜி கூறியிருந்தார்.ஆனால், புதிதாக பதவியேற்கும் அரசு, நடப்பு நிதியாண்டில் உள்ள பெரியளவிலான நிதி பற்றாக்குறை 5.5 சதவீதமாக இருப்பதால், அதற்கு ஏற்ப, வரி விகிதத்தை உயர்த்தும் நிர்பந்தம் ஏற்படும் என்று பொருளாதார நிபுணர்கள் கணித்துள்ளனர்.

தற்போதைய இடைக்கால பட்ஜெட்டில், மொத்த உள்நாட்டு உற்பத்தியின் அடிப்படையில், நிதி பற்றாக்குறை 5.5 சதவீதமாக இருக்கும் என்று தெரிவிக்கப்பட்டுள்ளது. இது பொருளாதார வளர்ச்சியில், எதிர்மறையான தாக்கத்தை ஏற்படுத்துவதாக பொருளாதார நிபுணர்கள் கணித்துள்ளனர்.தற்போதைய நிதியாண்டில் 6 சதவீத பொருளாதார வளர்ச்சி எட்டப்பட்டால் மட்டுமே அது திருப்திகரமாக அமையும். ஆனால், உலக வங்கியில், சர்வதேச பொருளாதார வளர்ச்சி அமைப் பும், இந்தியாவின் பொருளாதார வளர்ச்சி விகிதம் 5.1 சதவீதமாக இருக்கும் என்று கணித்துள்ளன. எனவே, வருவாயை அதிகரிப்பதற்காக, வரி உயர்வு ஒன்றே, புதிய அரசுக்கு முக்கிய வாய்ப்பாக அமையும்.அதே போல, இன்சூரன்ஸ் துறையில் எல்.ஐ.சி.,யில் முதலீடுகளை விலக்கிக் கொள்வது போன்றவை ஏற்படலாம் என்று எதிர்பார்க்கப்படுகிறது. எல்.ஐ.சி.,யின் பங்குகளில் 24 சதவீதத்தை மத்திய அரசு விற்கும் என்று எதிர்பார்க்கப்படுகிறது.

தி.மு.க., - அ.தி.மு.க., தேர்தல் அறிக்கை: ஓர் ஒப்பீடு

2009-04-20T13:22:00.004+05:30

லோக்சபா தேர்தலை எதிர்கொள்ள தங்களது வாக்குறுதிகள், நிலைப்பாடுகள், கொள்கைகளை தொகுத்து, தேர்தல் அறிக்கையாக கட்சிகள் வெளியிட்டு வருகின்றன. வேட்பாளர் நேர்காணலின்போதே தி.மு.க., தேர்தல் அறிக்கையை வெளியிட்டு முந்தியது; சற்று தாமதமாக வேட்பாளர் அறிமுகக் கூட்டத்தின் போது அ.தி.மு.க., தேர்தல் அறிக்கையை வெளியிட்டுள்ளது.

இரண்டு கட்சிகளின் தேர்தல் அறிக்கைகளிலும் குறிப்பிடத்தக்க அம்சங்கள் பதிவு செய்யப்பட்டுள்ளன. தி.மு.க., தேர்தல் அறிக்கையில் மாநில, தேசிய அளவிலான பல்வேறு பிரச்னைகளை குறிப்பிட்டு, அவற்றை தீர்க்க மத்திய அரசை வலியுறுத்துவோம், கோருவோம் என்று வேண்டுகோள் விடுக்கும் வகையில் வாக்குறுதிகள் குறிப்பிடப்பட்டுள்ளன. ஆனால், அ.தி.மு.க., தேர்தல் அறிக்கையில் அ.தி.மு.க., பங்கேற்புடன் மத்தியில் அடுத்த ஆட்சி அமைவது உறுதி என்ற, "பாசிட்டீவ் அப்ரோச்' முறையில், பிரச்னைகளை குறிப்பிட்டு அவை எப்படி தீர்க்கப்படும் என்றும் தெரிவிக்கப்பட்டுள்ளது.

இதையெல்லாம் தாண்டி, தேர்தலுக்குப் பின் அமையும் மத்திய ஆட்சியின் முதல் 100 நாட்களுக்கான அரசியல் செயல் திட்டம், பொருளாதார செயல்திட்டம், விவசாய செயல்திட்டம் என்ற அளவில் அ.தி.மு.க., தேர்தல் அறிக்கை, நம்பிக்கையோடு வெளியிடப்பட்டுள்ளது. தி.மு.க., 35 தலைப்புகளிலும், அ.தி.மு.க., 31 தலைப்புகளிலும் தங்களது தேர்தல் அறிக்கையை வரையறுத்துள்ளன. ஐ.மு., கூட்டணி அரசின் சாதனைகளில் தி.மு.க., தேர்தல் அறிக்கை துவங்குகிறது என்றால், ஐ.மு., கூட்டணி அரசு, தேசத்தின் சாபக்கேடு என்று அ.தி.மு.க., தேர்தல் அறிக்கை சபிக்கிறது.

சில முக்கியப் பிரச்னைகளில் இரு கட்சிகளின் நிலை விவரம்:

மொழிக் கொள்கை

தி.மு.க: இந்தி திணிக்கப்படாது என்ற வாக்குறுதியைக் காப்பாற்ற வலியுறுத்துவோம். இந்திய மொழிகள் அனைத்தையும் மத்திய அரசின் ஆட்சி மொழிகளாக மாற்ற வேண்டுமென வலியுறுத்துவோம். சென்னை ஐகோர்ட்டில் தமிழை ஆட்சி மொழியாக்க நடவடிக்கை எடுக்கப்படும்.

அ.தி.மு.க: தமிழ் உட்பட, எட்டாவது பட்டியலில் இடம்பெற்றுள்ள நாட்டின் அனைத்து மொழிகளையும் ஆட்சி மொழிகளாக அறிவிக்கவும், நேருவின் உறுதிமொழிப்படி இந்தி பேசாத மக்கள் விரும்பும் வரை மாற்று மொழியாக ஆங்கிலம் நீடிக்கவும் வழி வகை செய்ய தேவையான சட்ட திருத்தம் கொண்டுவர வேண்டுமென வலியுறுத்துவோம்.

இலங்கை பிரச்னை

தி.மு.க: இலங்கையில் போர் நிறுத்தம் வேண்டியும், தமிழர்கள் அமைதியாகவும், உரிமையுடனும் வாழ வழி வகுக்க வேண்டுமென தொடர்ந்து வற்புறுத்துவோம்.

அ.தி.மு.க: இலங்கையில் போர் நிறுத்தம் மேற்கொள்ள அழைப்பு விடுப்பதோடு, தமிழ் மக்களுக்கு எதிரான இனப் படுகொலையை நிறுத்த கோரிக்கை விடுப்போம். சிங்களர்களுக்கு சமமாக தமிழர்கள் நடத்தப்பட வேண்டும். தமிழர்கள் பெரும்பான்மையாக வசிக்கும் பகுதிகளில், அவர்களுக்கு நிர்வாக அதிகாரத்தை வழங்க வேண்டும். தமிழர்கள் கண்ணியத்துடன் வாழ தனி ஈழ மாநிலம் அமைக்க வேண்டும். அதிகார மாற்றம் ஏற்பட்ட பிறகு தமிழக பகுதிகளை புதுப் பிக்கவும், மேம்படுத்தவும், மறுவாழ்வு அளிக்கவும் 10 ஆயிரம் கோடி ரூபாய் மானியம் வழங்கப்படும்.

கச்சத்தீவு

தி.மு.க: கச்சத்தீவிற்கு தமிழர்கள் செல்வதற்கும், அப்பகுதியை ஒட்டிய இடங்களில் இழந்த உரிமையை மீட்டெடுப்பதற்கும் மத்திய அரசு உரிய சட்ட நடவடிக்கைகளை மேற்கொள்ள வேண்டும்.

அ.தி.மு.க: கச்சத்தீவு தொடர்பாக இந்திய - இலங்கை உடன்பாட்டை ரத்து செய்ய வேண்டும் என அ.தி.மு.க., சுப்ரீம் கோர்ட்டில் வழக்கு தொடர்ந்துள்ளது. கச்சத்தீவை மீட்க தேவையான அனைத்தையும் செய்வோம்.

சேது சமுத்திர திட்டம்

தி.மு.க: சேது சமுத்திர திட்டம் தொடர்பாக சுப்ரீம் கோர்ட்டில் நிலுவையில் உள்ள வழக்கை மத்திய அரசு விரைந்து முடித்து, எஞ்சிய பணிகளை முடிக்க வேண்டும்.

அ.தி.மு.க: கோடிக்கணக்கான மக்களின் மத உணர்வுகளை புண்படுத்தும், சுற்றுச் சூழலுக்கு பாதிப்பை ஏற்படுத்தும் சேது சமுத்திர திட்டத்தால் தனி நபரும், தனி குடும்பமுமே பலன் பெறும் என்பதால் சேது சமுத்திரத் திட்டம் ரத்து செய்யப்படும்.

நதிகள் இணைப்பு திட்டம்

தி.மு.க: தென்னக நதிகள் இணைப்பு திட்டத்திற்கான முழு நிதி உதவியை மத்திய அரசு வழங்க முன்வர வேண்டும்.

அ.தி.மு.க: மாநிலங்களுக்கு இடையே பாயும் நதிகளை ஒன்றிணைக்க காலமுறை நடவடிக்கை எடுக்கப்படும். நதிநீர்ப் பிரச்னை ஏற்பட்டுள்ள மாநிலங்களுக்கிடையே நதி நீரைப் பங்கீடு செய்துகொள்ள நிரந்தரமான ஓர் அமைப்பு ஏற்படுத்தப்படும்.

வருமான வரி விலக்கு

தி.மு.க: நடுத்தர வர்க்கத்தினர், அரசு ஊழியர்கள், மாத ஊதியம் பெறும் பிரிவினர், ஓய்வூதியம் பெறுவோர் ஆகியோருக்கு வருமான வரம்பை இரண்டு லட்சத்து 50 ஆயிரமாக உயர்த்த வலியுறுத்துவோம்.

அ.தி.மு.க: மாத வருவாய் பெறும் அனைத்து பணியாளர்களுக்கும் வருமான வரியில் இருந்து விலக்கு அளிக்கப்படும். மற்ற பிரிவினருக்கு வருமான வரி விலக்கிற்கான உச்சவரம்பு ஐந்து லட்சம் ரூபாயாக உயர்த்தப்படும்.

பெண்கள் நலன்

தி.மு.க: மகளிர் இட ஒதுக்கீடு மசோதாவை நிறைவேற்ற மத்திய அரசு முன்வர வேண்டும் என வலியுறுத்துவோம். தமிழகத்தில் நடைமுறையில் உள்ள பெண்களுக்கு சொத்தில் சம உரிமை உள்ளிட்ட பெண்ணுரிமைச் சட்டங்கள், கர்ப்பிணிகளுக்கு உதவித் தொகை வழங்கும் திட்டம், விதவைகள் உதவித் தொகை திட்டம் ஆகியவற்றை அகில இந்திய அளவில் நடைமுறைப்படுத்த வலியுறுத்துவோம்.

அ.தி.மு.க: மகளிர் இட ஒதுக்கீடு மசோதா நிறைவேற்றப்படும். கற்பழித்தல் குற்றம் புரிவோருக்கு மரண தண்டனை விதிக்கப்படும். ஒவ்வொரு மாநிலத்திலும் அனைத்து மகளிர் காவல் நிலையம், மகளிர் நீதிமன்றங்கள் அறிமுகப்படுத்தப்படும். தொட்டில் குழந்தை திட்டம் அனைத்து மாநிலங்களிலும் விரிவுபடுத்தப்படும்.

விவசாயம்

தி.மு.க: விவசாயத்தை ஊக்குவிக்கும் வகையில் நாடு முழுவதும் கூட்டுறவுக் கடனை 2 சதவீத வட்டி விகிதத்தில் தேசியமயமாக்கப்பட்ட வங்கிகள் மூலம் மத்திய அரசு வழங்க வேண்டும். பயிர்க்கடனை உரிய காலத்தில் திருப்பி செலுத்திய விவசாயிகளுக்கு, தமிழகத்தை போல் வட்டியில்லா கடன் திட்டத்தை அனைத்து மாநிலங்களிலும் நடைமுறைப்படுத்த வேண்டும்.

அ.தி.மு.க: தேசியமயமாக்கப்படாத வங்கிகள் உட்பட அனைத்து வங்கிகளில் இருந்து பெறப்பட்ட விவசாயக் கடன்கள் தள்ளுபடி செய்யப்படும். விதைகள், உரங்கள் மானிய விலையில் வழங்கப்படும். மரபணு மாற்று விதைகள் ஊக்கப்படுத்தப்படுவது நிறுத்தப்படும். விவசாயப் பொருட்களுக்கு கொள்முதல் விலையை நிர்ணயிக்க விவசாயிகள் ஆணையம் அமைக்கப்படும். மாவட்ட அளவில் 250 கிளைகள் கொண்ட, விவசாயிகளுக்கு நேரடியாக கடன் வழங்கும் வங்கியாக நபார்டு வங்கி மாற்றியமைக்கப்படும்.

வேலை வாய்ப்பு

தி.மு.க: ஊரக வேலைவாய்ப்புத் திட்டத்தை மேலும் 50 நாட்கள் நீட்டித்து, ஆண்டுதோறும் 150 நாட்கள் வேலைவாயப்புத் தரும் திட்டமாக அறிவிக்க மத்திய அரசை கேட்டுக் கொள்வோம். வேலை இழக்கும் தொழிலாளர்களுக்கு உதவ, வேலையிழந்தோர் துயர் துடைப்பு நிதியத்தை மத்திய அரசு அமைக்க வேண்டும்.

அ.தி.மு.க: மத்திய அரசு பணிகள் மற்றும் பாதுகாப்புத் துறையில் தற்போது காலியாக உள்ள ஆறு லட்சம் பணியிடங்கள் நிரப்பப் படும். மத்திய அரசு பணிகளில் தற்போது தற்காலிக அடிப்படையில் பணிபுரிந்து வரும் ஐந்து லட்சம் தொழிலாளர்கள் நிரந்தரம் செய்யப்படுவர். தபால் துறையில் பணிபுரியும் மூன்று லட்சம் மிகைத் தொழிலாளர்கள் நிரந்தரம் செய்யப்படுவர். அடுத்த ஐந்து ஆண்டுகளில் 10 கோடி வேலைவாய்ப்புகள் உருவாக்கப்படும்.

சிறுபான்மையோர் நலன்

தி.மு.க: சச்சார் குழுவின் பரிந்துரைகளை மத்திய அரசு ஏற்று உடனடியாக நடைமுறைப்படுத்த வேண்டும். கிறிஸ்துவ மதத்தைச் சேர்ந்த ஆதிதிராவிடர்களையும் அட்டவணைப் பட்டியலில் சேர்க்க வேண்டும். நீதிபதி ரங்கநாத் மிஸ்ரா தலைமையிலான தேசிய ஆணையம் செய்துள்ள பரிந்துரைகளை பரிசீலனை செய்து நடைமுறை அறிவிப்புகளை வெளியிட வேண்டும்.

அ.தி.மு.க: தலித் கிறிஸ்தவர்கள் இட ஒதுக்கீட்டிற்கு தீர்வு காண முன்னுரிமை அளிக்கப்படும். ஜெருசலம் புனித யாத் திரை மேற்கொள்ளும் கிறிஸ் துவர்களுக்கு மானியம் வழங்கப்படும். கல்லறைத் திருநாள் வரையறுக்கப் பட்ட விடுமுறை நாளாக அறிவிக்கப்படும். சிறுபான்மையினரின் முக்கிய வழிபாட்டுத்தலங்கள் அமைந்துள்ள இடங்களில், குறைந்த கட்டணத்தில் யாத்திரிகர்கள் தங்க விடுதிகள் கட்டித் தரப்படும்.

தாழ்த்தப்பட்டோர் நலன்

தி.மு.க: தாழ்த்தப்பட்ட மாணவர்கள் பொறியியல், மருத்துவ பட்டப் படிப்புகளை மேற்கொள்ள கல்வி, தேர்வுக் கட்டணங்களுக்கு மத்திய அரசு உதவி அளிக்க வேண்டும். அருந்ததி சமூகத்தினருக்கு 3 சதவீத இட ஒதுக்கீடு அளித்த முறையை பிற மாநிலங்களிலும் பின்பற்ற வேண்டும். 2014ம் ஆண்டுக்குள் தமிழகத்தின் அனைத்து தாழ்த்தப்பட்ட சமுதாயத்தினருக்கும் வீடு கட்டித்தர வலியுறுத்துவோம்.

அ.தி.மு.க: அருந்ததியினருக்கு இட ஒதுக்கீடு குறித்த கோரிக்கை முன்னுரிமை அடிப்படையில் தீர்க்கப்படும். தனியார் கல்வி நிறுவனங்களில் படிக்கும் தாழ்த்தப்பட்ட, பழங்குடியின மாணவர்களின் கல்விக் கட்டணத்தை ரத்து செய்வோம். மனித கழிவை மனிதன் சுமக்கும் அவலம், தீண்டாமைக் கொடுமையை போக்க நடவடிக்கைகள் மேற்கொள்வோம்.

மீனவர் நலன்

தி.மு.க: மத்திய அரசு கடலோரப் பாதுகாப்பை வலுப்படுத்தி, தமிழக மீனவர்களின் மீன் பிடிக்கும் உரிமையை உறுதி செய்ய வேண்டும். மீனவர்கள் ஏற்கும் வரை கடற்கரை மேலாண்மைப் பகுதி அறிவிக்கையின் மீது நடவடிக்கை எடுக்கக் கூடாது என வலியுறுத்துவோம். தேசிய மீனவர் நல வாரியம் அமைக்க உரிய சட்ட நடவடிக்கைகள் மேற்கொள்ள வலியுறுத்துவோம்.

அ.தி.மு.க: சுனாமி காரணமாக மீனவர்கள் வங்கிகளில் பெற்ற கடன்கள் அனைத்தும் தள்ளுபடி செய்யப்படும். படகுகள், வலைகள் மற்றும் இதர கட்டமைப்பு வசதிகளுக்காக தேசியக் கூட்டுறவு மேம்பாட்டுக் கழகம் மூலம் கடன் வழங்கப்படும். மண்ணெண்ணெய், டீசல் மானியம் அதிகரிக்கப்படும். மீனவர்களுக்கு காப்பீடு திட்டம் அமல்படுத்தப்படும்.

கல்வி

தி.மு.க: கல்வி மக்கள் நல்வாழ்வுத்துறைக்கான பொதுச் செலவுகளை அதிகரிக்க வேண்டும். பொதுப்பட்டியலில் இருந்து கல்வியை மீண்டும் மாநிலப் பட்டியலுக்கு கொண்டு வர வேண்டும். மருத்துவக் கல்லூரி மாணவர்களை பாதிக்கும் தேர்வுத் திட்டத்தை கைவிட வேண்டும். உயர் மருத்துவப் படிப்புகளில் 100 சதவீத இடங்களையும் மாநில அரசுகளுக்கே வழங்க வேண்டும்.

அ.தி.மு.க: கல்வியை முழுமையாக சீரமைக்க தேசிய கல்வி ஆணையம் அமைக்கப்படும். தொழிற்கல்விபயிலும் அனைத்து தாழ்த்தப்பட்ட, பழங்குடியின மாணவர்களுக்கும், "லேப்-டாப்' வழங்கப் படும். வேதகால அறிவியல் மையம், புதிய கண்டுபிடிப்புகளை ஊக்குவிக்கும் தேசிய மையம் அமைக்கப்படும். நாட்டின் அனைத்து மாநிலங்களிலும் ஐ.ஐ.டி., மற்றும் இந்திய மேலாண்மை நிலையம் அமைக்கப்படும்.

பாவத்தைப் போக்கிய பரமபிதா!

2009-04-16T10:37:00.003+05:30

பாவம் எனும் பாதகக் கறையை தனது குருதியால் கழுவி தூய்மையாக்குவதற்காக மண்ணில் உதித்த பரமபிதா தான் இயேசு.

அந்தப் பரமபிதா பிறந்த தினமான டிசம்பர் 25 அன்று கிறிஸ்துமஸ் ஆக கொண்டாடி மகிழ்கிறோம். இங்கே அக - புற உலக பாவங்களை நம்மால் இயன்ற வரை கழுவிக் களைவதே, அந்தப் பரமபிதாவின் பிறந்த தினத்தில் நாம் செய்யக் கூடிய மனிதக் கடமை.

கர்த்தரின் பிறப்பினை நினைவுகூறுவது இங்கே சாலப் பொருந்தும். அவர் மண்ணில் உதிப்பதற்கு ஒரு காரணி இருந்தது போல்... இந்தப் பூமியில் பிறக்கும் நம் ஒவ்வொருவருக்கும் ஒரு காரணி இருக்கும். அந்தக் காரணியை அறிந்து செயல்படுவதே பிறவிப் பயன்.

இப்போது, இயேசுவின் பிறப்பைப் பற்றி பார்ப்போம்..!

கன்னி மரியாவுக்கும் யோசேப்புக்கும் மணம் நடைபெறவிருந்த சூழல்... கபிரியேல் என்ற இறைத் தூதர் கன்னி மரியா முன்பு தோன்றுகிறான்.

'கடவுளின் அருளைப் பெற்றுள்ளீர்! இதோ... கருவுற்று ஒரு மகனைப் பெறுவீர். அவருக்கு இயேசு எனப் பெயரிடுவீர்' எனக் கூறி கர்த்தர் இயேசுவின் வருகையை மனம் மகிழ எடுத்துரைக்கிறான்.

அப்போது, கன்னி மரியாவின் மனதில் சந்தேகங்கள் பல எழுகிறது. அதைப் போக்கும் கபரியேல், 'உன் மீது பரிசுத்த ஆ‌வி வரும். உ‌ன்னதக் கடவு‌‌‌ளி‌ன் வ‌ல்லமையும் உ‌ன் மே‌ல் ‌நிழ‌லிடு‌‌வதால், உமக்குப் பிற‌க்கு‌ம் குழ‌ந்தை தூயது. அ‌க்குழ‌ந்தை இறைமக‌ன் என‌ப்படு‌ம்' என்ற போதுதான் மரியா மன நிம்மதியடைந்தார். ‌

கன்னி மரியாவை மணம் முடிக்க, மணித்துளிகளை எண்ணிக் கொண்டிருந்த யோசேப்புக்கு, மரியா கருவுற்றிருக்கும் செய்தி சென்று சேர்ந்தது.

மரியாவை இகழ்ச்சிக்குள்ளாக்க விரும்பாத தூயவரான யோசேப்பு, எவருடைய மனமும் நோகாதவாறு பிரிய எண்ணினார்.

அப்போது, அவரது கனவில் தோன்றினான் இறைத் தூதன்.

"கன்னி மரியா கருவு‌ற்‌றிரு‌ப்பது பரிசுத்த ஆ‌‌வியா‌ல்தா‌ன். ஏனெ‌னி‌‌ல், அவ‌ர் த‌ம் ம‌க்களை பாவ‌ங்க‌ளி‌ல் இரு‌ந்து ‌மீ‌ட்பா‌ர்" - தூதன்.

உண்மையை உணர்ந்த யோசேப்பு, தனது கரங்களை கன்னி மரியா பிடிப்பதை மனமுவந்து முழு மனதுடன் ஏற்றார்.

'க‌ன்‌னி கருவு‌ற்று பெற்றெடுக்கும் ஆண் மகனுக்கு இ‌ம்மானுவே‌ல் என‌ப் பெ‌ய‌ரிடுவா‌ர்' என ஆ‌ண்டவ‌ர் உரை‌த்தது ‌நிறைவேறவே இவையாவு‌ம் ‌நி‌க‌ழ்‌ந்தன.

இ‌ம்மானுவே‌ல் எ‌ன்றா‌ல் கடவு‌ள் ந‌ம்மு‌ன் இரு‌க்‌கிறா‌‌ர் என்பது பொரு‌ள்.

மரியாள் நிறைமாத கர்ப்பிணியாக இருந்தாள்!

அந்தத் தருணத்தில்தான் பாலஸ்தீனத்தை ஆட்சி செய்த அகோஸ்துராயர், தனது நாட்டு மக்கள் தொகை கணிப்பீடு ஒன்றை நடத்த கட்டளையிட்டார்.

அவரது கட்டளைப்படி யொசேப்பும் மரியாளும் தங்களை பதிவு செய்ய யோசேப்பின் தந்தையான தாவிதின் நகரமான பெத்லகேமுக்குச் சென்றனர். அங்கே தங்குவதற்கு அறைகள் கிடைக்கவில்லை. மரியாளை வரவேற்றது மாட்டுத் தொழுவமொன்றே!

அம்மாட்டுத் தொழுவத்தில்தான் பாலகனாய்ப் பிறந்தார் இயேசு!

அந்த அற்புதத் தருணத்தில், மாட்டுத் தொழுவம் அருகிலே புல்வெளியில் ஆடு மேய்த்துக் கொண்டிருந்த இடையருக்கு இறைத்தூதர் தோன்றினார்.

'பெத்லகேமில் இரட்சகர் பிறந்திருக்கிறார்' என்ற நற்செய்தியை அறிவித்தார். அத்துடன், பரலோக இறைத்தூதர்கள் அனைவரும் அவர்கள் முன் தோன்றி, 'உன்னதங்களிலே கடவுளுக்கு மகிமையும், இந்தப் பூமியில் நன்மனதோருக்கு அமைதியுமாகுக' என பாடினர்.

அதன்பின் ம‌ரியா, யோசே‌ப்பு, குழ‌ந்தை இயேசு ஆகியோரை இடையர்கள் க‌ண்ட‌ா‌ர்க‌ள். ‌பி‌ன், கடவுளை போ‌ற்‌றி புக‌ழ்‌ந்து கொ‌ண்டே ‌திரு‌ம்‌பி‌ச் செ‌ன்றா‌ர்க‌ள்.

எ‌ட்‌டா‌ம் நா‌ள்...

இறைதூத‌ர் அ‌றி‌வி‌த்தபடியே குழந்தைக்கு 'இயேசு' என‌ப் பெ‌ய‌ரி‌டப்பட்டது. உலக ம‌க்களை பாவ‌த்த‌ி‌‌ல் இரு‌ந்து ‌மீ‌ட்க ‌மீ‌ட்ப‌ர் இயேசு ‌ஆயத்தமானார்..!

நம் பாவங்களை முள்முடியுடன் சிலுவையாகச் சுமந்து இரட்சித்த இயேசுவின் பிறந்தத் தினத்தை, இப்போது புத்தாடை அணிந்து, ஜெபத்தில் ஈடுபட்டு கொண்டாடி மகிழ்கிறோம்.

இந்தச் சூழலில் சகோதரத்துவம் தழைக்கும் வகையில், கிறிஸ்துமஸ் மகிழ்ச்சியினை அனைவரையும் ஆரத்தழுவி பகிர்ந்துகொள்வோம்..!

சமகால உலகிலுள்ள பாவங்களைக் களைய நம்மால் இயன்ற பங்களிப்பினை நல்குவோமாக!

ஒவ்வொருவருக்கும் இனிய கிறிஸ்துமஸ் நல்வாழ்த்துக்களும், ஆரத்தழுவல்களும்..!

பிரதமராக ராகுலுக்கு தகுதி உள்ளது - மன்மோகன்

2009-04-16T10:17:00.002+05:30

நாட்டின் சிறந்த பிரதமராக விளங்கக்கூடிய அனைத்து தகுதிகளும் சோனியா காந்தியின் மகனும் அகில இந்திய காங்கிரஸ் பொதுச் செயலாளருமான ராகுல் காந்திக்கு இருப்பதாக பிரதமர் மன்மோகன் சிங் கூறியுள்ளார்.

என்றேனும் ஒரு நாள் அதிகாரமானது இளைய தலைமுறையினரிடம் அளிக்கப்பட வேண்டும் என்றும், இதுதான் உலகியல் நடைமுறை என்றும் அவர் தெரிவித்தார்.

மும்பையில் செய்தியாளர்களிடம் பேசிய பிரதமர் மன்மோகன் சிங்கிடம், என்றாவது ஒருநாள் ராகுல் காந்தி பிரதமராக வருவார் என்று அவரது சகோதரி பிரியங்கா கூறியிருப்பது பற்றி கேட்டபோது, அதற்கு தேவையான அனைத்து தகுதிகளும் ராகுலிடம் இருப்பதாக பிரதமர் பதிலளித்தார்.

வேறு ஒரு கேள்விக்கு பதிலளித்த பிரதமர், காங்கிரஸ் கட்சியின் பிரதமர் வேட்பாளர் என்று தாம் திகாரபூர்வமாக அறிவிக்கப்பட்டுள்ளதாக தெரிவித்தார்.

இருக்கும் இடத்திற்கு குழி பறிப்பார் ராமதாஸ்: கருணாநிதி

2009-04-16T10:11:00.003+05:30

"பா.ம.க., நிறுவனர் ராமதாஸ் எங்கே போனாலும், இருக்கும் இடத்திற்கு குழி பறிக்கத்தான் பார்ப்பார்' என, முதல்வர் கருணாநிதி தெரிவித்துள்ளார்.

முதல்வர் கருணாநிதி நேற்று வெளியிட்ட "செய்தி - கருத்து' அறிக்கை விவரம்: சோம்நாத் சட்டர்ஜிக்கு நடந்த பிரிவு உபசார நிகழ்ச்சியை கம்யூனிஸ்ட், பா.ஜ., உறுப்பினர்கள் புறக்கணித்தனர். தமிழகத்தில் மரபுகளைப் பற்றி கவலைப்படாத, "மகராசி'யின் தலைமையில் உள்ள கூட்டணியில் ஒரு கட்சியினர் இருக் கின்றனர். அந்த, "மகராசி'யுடன் எதிர்காலத்தில் கூட்டணி அமைக் கும் யோசனையில், இன்னொரு கட்சியினர் இருக்கின்றனர். பிறகு மரபாவது, மண்ணாங் கட்டியாவது!

சென்னை தமிழர் பேரணியில், "போரஸ்' மன்னன் பற்றி குறிப்பிட்ட உவமானத்தை ஒரு சிலர் திரித்து விஷமம் செய்கின்றனர். நான் பேரணியில் பேசும் போது, பிரபாகரனுக்கு அப்படி ஒரு நிலை ஏற்படின் (?) அவரை போரஸ் மன்னனைப் போல் நடத்த வேண்டும் என்று கூறினேன். பிரபாகரனை கைது செய்து தண் டனை தர வேண்டும் என்ற ஜெயலலிதாவின் சட்டசபை தீர்மானம் சிலருக்கு இனிக்கிறது; என் பேச்சு கசக்கிறது. எல்லாம் அவர்கள் நாக்கின் இயல்பு; போக்கின் குணம்.

இலங்கையில் இரண்டு நாள் போர் நிறுத்தம். கிள்ளிக் கொடுக்கும் பண்டத் திற்கும், அள்ளிக் கொடுக்கும் பண்டத்திற்கும் உள்ள வேறுபாட்டை உணருகிறேன். முழுமையான போர் நிறுத்தம் செய் தால் என்ன முழுகிப் போய் விடும். அதற்கான முயற்சியில், மத்திய அரசு ஈடுபடுமென நம்புகிறேன்; ஈடுபட வேண்டுமென வலியுறுத்துகிறேன். ஜெயலலிதாவிற்கு எதிராக அவதூறு வழக்கை தமிழக அரசு தாக்கல் செய்துள்ளது.

ஒரு குற்றச் சாட்டை கூறும்போது, ஆதாரத் தோடு கூற வேண் டும்; சொல்வதற்கு பொறுப் பேற்றுக் கொண்டு சொல்ல வேண்டும்; சொல்லிவிட்டு, பிறகு மக்கள் கூறியதை சொன் னேன்; அவன் சொன் னதை சொன்னேன்; இவன் சொன்னதை சொன்னேன் என்று பின்வாங்கினால் வழக்கை சந்தித்து தான் ஆக வேண்டும்.

தமிழக முதல்வர் நினைத்திருந்தால் இலங்கையில் போர் நிறுத்தத்தை ஏற்படுத்தியிருக்க முடியும். ஆனால், அவ்வாறு செய்யத் தவறிவிட்டார் - ஜெ., குற்றச்சாட்டு.

"இலங்கை என்பது இன் னொரு நாடு. அந்த நாட்டின் பிரச் னையில் ஒரு அளவிற்குத்தான் இந்தியா தலையிட முடியும்' என்று ஜெ., சொல்லியிருக்கிறார். மத்திய அரசுக்கு நாம் தொடர்ந்து எத்தகைய அழுத் தத்தை கொடுத்து வருகிறோம் என்று மக்களுக்கு தெரியும். உலக நாடுகளும், ஐ.நா., சபையும் கொடுக்கும் அழுத்தத்தையே இலங்கை அரசு மதிக்கவில்லை.

இலங்கையில் உள்ள தங்களது சகோதரர், சகோதரிகளுக்கு இழைக்கப்பட்டு வரும் கொடுமையால் தமிழ் மக்கள் கொதித் துப் போய் இருக்கின்றனர் - ஜெ., பேட்டி.

ஜெயலலிதா முதல்வராக இருந்தபோது இலங்கைப் பிரச் னைக்காக என்ன செய்தார்? அதையெல்லாம் மறைத்துவிட்டு, தற்போது மத்திய, மாநில அரசுகளின் மீது பழி போட்டால் அது எப்படி சரியாகும்? வைகோ இப்போது கூறியிருக்கும் கருத்துகளில் தவறு எதுவும் இல்லை என்று ஜெ., சொல்லியிருக்கிறாரே. இதுதான் குழப்பத்திலும் பெரிய குழப்பம்.

பிரதமராக வேண்டும் என்று தனிப்பட்ட முறையில் எனக்கு எந்த எண்ணமும் இல்லை - ஜெ., பேட்டி.

ஆகா! எப்படிப்பட்ட தன்னலமற்ற தலைவியை தமிழகம் பெற் றுள்ளது. திருமங்கலம் தேர்தலில் வெற்றி பெற வக்கில்லை, இதிலே பிரதமர் பதவியா? "சீச்சீ! இந்த பழம் புளிக்கும்' என்ற கதை தான். தமிழகத்தில் காமராஜர் ஆட்சி மீண்டும் உருவாக வேண்டும் என்ற காங்கிரசாரின் கனவு நிறைவேற வேண்டும் என ராமதாஸ் கூறியிருக்கிறாரே...

அ.தி.மு.க., கூட்டணியில் இருக்கிற ராமதாஸ் அந்த அம் மையாருக்கு துரோகம் இழைக் கும் வகையிலும், கம்யூனிஸ்ட் கட்சிகளுக்கு, "பெப்பே' காட் டும் வகையிலும், தமிழகத்தில் காமராஜர் ஆட்சி அமைய வேண் டும் என சொல்கிறார். அவர் எங்கே போனாலும், இருக்கும் இடத்திற்கு குழி பறிக்கத்தான் பார்ப்பார் என்பது இப்போதாவது புரிகிறதா?

தி.மு.க - காங்கிரஸ் தலைவர்களை இழிவுபடுத்தும் வகையில் தேர்தல் குறும்படங்களை தயாரித்து இருக்கிறார்களாமே.

குறும் படங்கள் அல்ல; குறும் புப் படங்கள். தேர்தல் ஆணையமும், சட்டமும் அவற்றை ரசிக் கப் போகிறதா என்பதை பொறுத் திருந்து பார்ப்போம். இவ்வாறு கருணாநிதி தெரிவித்துள்ளார்.

ஆனந்த தாண்டவம் - சுஜாதாவின் கதைக்கே இந்த நிலைமையா

2009-04-15T16:08:00.009+05:30

சுஜாதாவின் "பிரிவோம் சந்திப்போம்" என்ற அருமையான கதையை படமாக்கினால் எப்படி இருக்கும் என்று எனக்கு அந்த கதையை படிக்கும் போதே ஆவலாக இருந்தது ... ஆனந்த தாண்டவம் அந்த கதையை மையமாக வைத்து எடுக்கப்பட்ட படம் என்று தெரிந்தவுடன் முதல் நாளே பார்க்க சென்றேன்.
பெயரில் உள்ள ஆனந்தம் படத்திலும் இல்லை அதை பார்த்த மக்களிடமும் இல்லை . நல்ல வேலை இதை பார்க்க சுஜாதா இல்லை . படத்தின் கதையை சொல்ல விரும்பவில்லை . சுஜாதாவின் அபிமானிகளுக்கு நிச்சயமாக இந்த தெரிந்திருக்கும் . ஆரம்பம் முதலே ஹீரோவும் ஹீரோயினும் எதோ லூசு போல் நடித்திருக்கிறார்கள் . ஹீரோயின் தமன்னா பாவம் ... நல்லா வளர்ந்து வரும் வேலையில் இப்படி ஒரு பைத்தியக்கார வேடம் .. புதிய கீதை மீரா ஜாஸ்மினை நினைவூட்டுகிறார் . ஹீரோ புது முகம் சித்தார்த் . பார்ப்பதற்கும் அவர் குரலை கேட்கும் போதும் ரவி கிருஷ்ணாவை நியாபகபடுத்துகிறார் .
முதல் பாதியிலேயே வீட்டுக்கு சென்று விடலாம் என்று தோன்றியது . எவ்வளவோ படம் பார்த்து விட்டோம் இதையும் முழுசாக பார்த்து விடலாம் என்று ஒரு பாப்கார்னை வாங்கி கொறித்து கொண்டே இரண்டாம் பாதியை பார்க்க ஆரம்பித்தேன் .. ஒன்னும் தேறவில்லை .. படத்தின் ஆறுதல் சார்லியின் நடிப்பும் கேமேராவின் ஆழகும் தான் ... பாடல்கள் கூட பார்க்கும் போது விட கேட்கும் போது நன்றாக இருக்கிறது .. மனதில் தோன்றியது சுஜாதாவின் கதையை இப்படி வீணாக்கி விட்டார்களே என்று தான் ..... இனிமே கதையை மட்டும் நம்பி படத்துக்கு போக கூடாது என்று முடிவெடுத்து விட்டேன்

யாருக்காவது மாற்று கருத்து இருந்தால் தெரிவிக்கலாம் ... வரவேற்கபடும் ..... வருகைக்கு நன்றி... அப்படியே உங்கள் பொன்னான வாக்குகளை அளித்து விட்டு செல்லுங்கள் ..... நன்றி .....

ஜாக்கிரதை --- மேட்ரிமோனியல் சைட்களில் தகவல்களை திருடும் பயங்கரவாதிகள்

2009-04-15T13:40:00.003+05:30

திருமணம் செய்து கொள்ள விரும்புகிறவர்கள் தங்களது வாழ்க்கைத் துணையை தேடுவதற்காக இணைய தளங்களில் பதிவு செய்து கொள்ளப் போகிறீர்களா? உங்களைப் பற்றிய விவரங்கள் மற்றும் புகைப்படங்களை இணைய தளங்களில் பதிவு செய்யப் போகிறீர்களா? அதற்கு முன் கொஞ்சம் யோசியுங்கள்.

உங்களைப் பற்றிய விவரங்கள் மற்றும் உங்களது புகைப்படம் இந்தியாவின் மீது தாக்குதல் நடத்த திட்டமிடும் பயங்கரவாதிகளுக்கு உதவுவதாக அமைந்து விடும் அபாயம் இருக்கிறது.

திருமண சேவைக்காக உலகம் முழுவதும் பல்வேறு திருமண இணையதளங்கள் செயல்பட்டு வருகின்றன. இந்த இணைய தளங்கள் சில இலவசமாகவும் சில கட்டணம் பெற்றும் திருமணம் செய்து கொள்ளவிருக்கும் ஆண், பெண் பற்றிய விவரங்களை வெளியிட்டு வருகின்றன.

இந்த திருமணத் தளங்களில் இடம்பெற்றுள்ள பெண்களைப் பற்றிய விவரங்களை சேகரித்து அவர்களிடம் விளையாடும் ரோமியோக்கள் ஒரு புறம் இருக்க இப்போது பயங்கரவாதிகளும் திருமண இணைய தளங்களை தங்களது பயங்கரவாத தாக்குதல் நடவடிக்கைகளுக்கு பயன்படுத்துகின்றனர் என்ற அதிர்ச்சி தரும் தகவல் வெளியாகியுள்ளது.

கடந்த ஆண்டு பயங்கரவாத தாக்குதல் வழக்கு ஒன்றில் பிடிபட்ட இந்தியன் முஜஜகிதீன் அமைப்பைச் சேர்ந்த அணிக் சையத் என்ற கம்ப்யூட்டர் எஞ்சினியர்தான் இந்த திடுக்கிடும் வாக்குமூலத்தை நீதிபதியிடம் பதிவு செய்துள்ளான்.

பாரத் மேட்ரிமோனியல், ஷாடி போன்ற இணையதளங்களுக்கு சென்று அதில் உள்ள ஆண் மற்றும் பெண்களின் புகைப்படங்கள் மற்றும் விவரங்களை பயங்கரவாதிகள் சேகரிக்கின்றனர். பின்னர் அந்தப் புகைப்படங்களை கம்ப்யூட்டரிலேயே தங்களது தேவைக்கேற்ப மாற்றி அமைத்து, அந்தப் புகைப்படம் மற்றும் விவரங்களை கொண்டு தங்களது அடையாள அட்டைகளை பெற்றுக் கொண்டு விடுகின்றனர்.

வாக்காளர் அடையாள அட்டை பெறுவது, ஓட்டுனர் உரிமம் பெறுவது, வங்கிக் கணக்கு bhடங்குவது போனற்வற்றுக்கு அவர்கள் இந்தப் புகைப்படங்கள் மற்றும் விவரங்களை பயன்படுத்திக் கொள்வதாக ஒப்புதல் வாக்குமூலத்தில் அவன் கூறியுள்ளான்.

இதுமட்டுமின்றி டெலிபோன் டைரக்டரியில் உள்ள தகவல்களைக் கொண்டு போலியான பெயரில் சிம்கார்ட்டுகளை வாங்கியதையும் அந்தப் பயங்கரவாதி ஒப்புக் கொண்டுள்ளான்.

உங்களைப் பற்றிய விவரங்கள் மற்றும் புகைப்படங்களை எங்கேயாவது பதிவு செய்யப் போகறீர்களா? அதற்கு முன் அதனால் எந்த பாதிப்பும் வராமல் இருப்பதை உறுதி செய்து கொண்டு பதிவு செய்யுங்கள்.

ஜப்பானிய படத்தில் கமல், அசின்

2009-04-15T13:36:00.002+05:30

தமிழ் திரையுலகின் சூப்பர் ஸ்டார் ரஜினிகாந்த் நடித்த படங்கள் ஜப்பானிய மொழியில் சப் டைட்டில் போடப்பட்டு அந்த நாட்டில் வெற்றிகரமாக ஓடியது பழைய கதை.

தற்போது நேரடி ஜப்பானிய மொழிப் படம் ஒன்றில் கமலஹாசன் நடிகிகறார். அவருடன் அசினிம் நடிக்க உள்ள இந்தப் படத்திற்கு ஜப்பானிய இசையமைப்பாளருடன் இணைந்து இசையமைக்கிறார் ஆஸ்கர் விருது வென்ற இசைப்புயல் ஏ.ஆர்.ரஹ்மான்.

ரஹ்மான் இசையில் `வந்தே மாதரம்' பாடலைப் படமாக்கியவர் பாரத் பாலா. இவர் ஜப்பானிய மொழிப் படம் ஒன்றை இயக்குகிறார். இந்தப் படத்தில் முக்கிய வேடத்தில் டடானோபோ அசானோ என்ற ஜப்பானிய நடிகர் நடிக்கிறார்.

கராத்தே, ஜுடோ போன்ற தற்காப்புக் கலைகளின் பிறப்பிடம் ஜப்பான் என்று கூறப்படுகிறது. ஆனால் உண்மையில் இந்தக் கலைகளின் பிறப்பிடம் இந்தியாவாகும். தற்போது இதற்கான ஆய்வுப் பணிகள் நடைபெற்று வருகிறது.

ஆய்வுகள் முடிந்தவுடன் இந்தப் படம் தொடங்கப்பட உள்ளது. பாரத்பாலா இந்தப் படத்தை இயக்குவதுடன் 50 பில்லியன் டாலர் செலவில் இப்படத்தை தயாரிக்கிறார்.

ஜப்பானை சேர்ந்த பிரபல இசையமைப்பாளர் ந்ஜக் ஹிசாய்ஷி உடன் இணைந்து ஏ.ஆர்.ரஹ்மான் இந்தப் படத்திற்கு இசையமைக்க உள்ளார். ரஹ்மான் இந்தப் படத்தில் தன்னுடன் இணைந்து இசையமைக்கப் போகிறார் என்பதை அறிந்த பிறகே ஜப்பானிய இசையமைப்பாளர் ஒப்புக் கொண்டாராம்.

ஷாருக்கான் படத்தை இயக்குகிறார் முருகதாஸ்

2009-04-15T13:31:00.004+05:30

அமீர் கான் நடிப்பில் இந்தி கஜினியை இயக்கி பாலிவுட்டையே தன்னை திரும்பிப் பார்க்க வைத்த ஏ.ஆர்.முருகதாஸ் ஷாருக்கான் நடிக்கும் படம் ஒன்றை இயக்கவுள்ளார்.

இதற்காக ஒரு முறை ஷாருக்கனை சந்தித்து ஆலோசனை நடத்தியதாகவும், எனினும் இன்னும் எதுவும் முடிவாகவில்லை என்றும் முருகதாஸ் கூறியுள்ளார்.

விரைவில் மீண்டும் ஷாருக்கானை சந்தித்துப் பேச இருப்பதாகவும், அப்போது எல்லாம் முடிவாகிவிடும் என்றும் முருகதாஸ் தெரிவித்துள்ளார்.

தமிழில் வெற்றிகரமாக ஓடிய கஜினி, இந்தியிலும் பெறும் வெற்றிப்படாக அமைந்து சுமார் 250 கோடி ரூபாய் வசூல் செய்து சாதனை படைத்தது.

பாலிவுட்டில் நிறைய பணம் செலவழிக்கிறார்கள் என்றும், இதனால் கதையை பிரம்மாண்டமாக சொல்ல முடியும் என்றும் முருகதாஸ் கூறினார். இந்தியில் ஷாருக்கானை வைத்து ஒரு படத்தை இயக்கிவிட்டு மீண்டும் தமிழுக்கு திரும்பப் போவதாக அவர் கூறினார்.

கண்களைப் பராமரிக்க... எளிய குறிப்புகள்..!

2009-04-15T13:23:00.003+05:30

உடலை ஆரோக்கியமாக வைத்து கொள்வது போலவே, நம் கண்களின் ஆரோக்கியமும் மிக முக்கியமாகும். கண்களைப் பராமரிப்பதற்கும், அவற்றை பாதுகாத்துக் கொள்வதற்கும் சில வழிமுறைகளைக் காண்போம்.

கண்கள் பொன்னை விட மதிப்பானவை. அவற்றை பராமரிப்பதற்கும் நாம் நேரத்தைச் செலவிட வேண்டியது அவசியம். சுத்தம், உணவு, சரியான நேரத்தில் பரிசோதனை, உடற்பயிற்சி போன்றவற்றால் நம் கண்களுடைய ஆரோக்கியத்தைப் பாதுகாத்துக் கொள்ள முடியும்.

உணவில் கவனம் தேவை..!

* வாரம் இருமுறை உணவில் கீரையைச் சேர்த்துக்கொள்ள வேண்டும். இது, முதுமையில் ஏற்படும் பார்வை பிரச்சனைகளை தடுப்பதற்கு உறுதுணையாக இருக்கின்றது.

* சர்க்கரைவள்ளிக் கிழங்கை உணவில் சேர்த்துக் கொள்வதினால், அதில் உள்ள 'வைட்டமின் ஏ' கண் பார்வையில் ஏற்படுகின்ற பிரச்சனைகளை தடுக்கிறது.

* உணவில் உப்பின் அளவை குறைப்பது அவசியம். டின்னில் போட்டு வைக்கிற ஊறுகாய், தின்பண்டங்கள் போன்றவற்றை வாங்கும்போது, அவற்றில் 'நோ சால்ட்', 'நோ சோடியம்' லேபிள் இருக்கிறதா என்று பார்க்கவேண்டும்.

* வைட்டமின் ஏ அடங்கிய பழங்களையும், தயிரையும் காலை உணவில் செர்த்துகொள்வதனால் முதுமையில் கண்களில் ஏற்படும் பார்வைக் கோளாறைத் தடுப்பதற்கு உதவியாக இருக்கும்.

* பழங்களைக் கொண்டு பதப்படுத்திய ஜாம் சாப்பிடுவதால், முதுமையில் கண்களின் திரையில் ஏற்படுகின்ற பிரச்னையை தடுக்கலாம்.

* பால், மீன், முட்டைகோசு, கேரட், கீரை, மாம்பழம் போன்றவற்றில் வைட்டமின் ஏ அடங்கியிருக்கின்றது. அவற்றை உணவில் சேர்த்துக் கொள்வது முதுமையில் கூட எவ்வித கோளாறுமின்றி கண்கள் நலமுடன் இருக்கும். குறிப்பாக, குளுகோமா நோயைத் தவிர்க்கலாம்.

* வருத்த உணவு பொருட்கள், இனிப்புப் பண்டங்கள் போன்றவை வயதானவர்களின் பார்வை கோளாறுக்கு முக்கிய் காரணமாகிறது. எனவே, இந்த உணவுப் பண்டங்களைத் தவிர்ப்பது நல்லது.

* அன்றாட உணவில் சின்ன வெங்காயம் சேர்த்துக் கொள்ளலாம். ஏனென்றால், இதில் குளுகோமாவை எதிர்க்கும் ஆன்டியாக்சிடன்ட் மிகுதியாக உள்ளது.

* வாரம் இரண்டு நாட்களில் மீன் உணவு சாப்பிட வேண்டும். மீனில் இருந்து உடலுக்கு தேவையான 'ஒமேகா 3 பாடி ஆசிட்' கிடைக்கின்றது. நீங்கள் சைவ உணவை மட்டும் உட்கொள்பவராக இருந்தால், இதற்கு பதிலாக மீன் எண்ணெய் மாத்திரைகளை சாப்பிட்டால் போதுமானது.

உடற் பயிற்சியும் உடற் பரிசோதனையும்

* வாரத்தில் ஐந்து நாட்களில் அரை மணி நேரம் கண்டிப்பாக நடைப்பயிற்சி மேற்கொள்வது அவசியம். இது, குளுகோமா கோளாறு உண்டாவதைத் தடுக்கிறது.

* தொடர்ந்து கம்ப்யூட்டர் முன்பு அமர்ந்து வேலை செய்பவர்கள் தினமும் ஐந்து நிமிடம் கண்களுக்கு பயிற்சி கொடுப்பது நல்லது. கண்களை இடது - வலது புறமாகவும், மேலே - கீழேயும் அசைத்து பயிற்சி மேற்கொள்ளலாம். இப்படி செய்வதால் குளுகோமா கோளாறு வருவதற்கான வாய்ப்பு குறைகிறது.

* 50 வயதைத் தாண்டியவர்கள் மூன்று மாதத்துக்கு ஒருமுறை இரத்த அழுத்த பரிசோதனை மேற்கொள்ள வேண்டும். இரத்த அழுத்தம் கூடுதலாக இருக்கின்றவர்கள் எல்லா மாதமும் பரிசோதனை செய்து மாத்திரை எடுத்துக் கொள்வது அவசியம்.

* சூரிய வெளிச்சத்தில் இருந்து கண்களுக்கு உண்டாகிற வறட்சியால் கண்களைப் பாதுகாப்பதற்காக சன் க்ளாஸ் அணிந்து கொள்ளலாம்.

* நீச்சல் செய்யும் போது கண்ணாடி அணிய வேண்டும். ஏனெனில், இது குளோரினில் இருந்து கண்களுக்கு பாதுகாப்பு கொடுக்கிறது.

* பயணம் செய்யும் போது கண்ணாடி அணிந்து கொண்டால், கண்களை தூசி, புகை போன்றவற்றில் இருந்தது பாதுகாத்துக் கொள்ளலாம்.

* சூரிய வெளிச்சத்தில் இருக்கிற புற ஊதாக் கதிர்கள் கண்களில் படாமல் இருக்க, பெரிய தொப்பியை தலையில் அணிவது நல்லது.

* வேலை செய்யும்போதும், படிக்கும் போதும் அரை மணி நேரம் இடைவெளியில் தூரமாக இருக்கின்ற பொருட்கள் மீது பார்வையைச் செலுத்தி, 30 நொடிகள் ஓய்வு கொடுக்க வேண்டும்.

* மல்லிகை பூ, பெப்பர்மின்ட், வெணிலா போன்ற இயற்கையான வாசனை திரவியங்களை அவ்வப்போது. இது, மூளை நன்றாக வேலை செய்வதற்கும், மங்கலான வெளிச்சத்தில் நன்றாக பார்ப்பதற்கும் நமக்கு பயன்தருகிறது.

* ஏ.சி, வெண்டிலேட்டர் போன்றவற்றை முகத்துக்கு நேராக வைப்பதைத் தவிர்க்கவும். இவை கண்களுக்கு மிகவும் கெடுதலாகும்.

* கண்களை சில மணி நேரம் இடைவெளியில் குளிர்ந்த நீரால் கழுவ வேண்டும். இப்படிச் செய்வதால் கண்களுக்குப் புத்துணர்வாக இருக்கும். அதுமட்டுமில்லாமல் கண்களில் தூசி, அழுக்கு போன்றவை பதிந்துவிடாமல் தடுக்கின்றது.

* தூங்குவதற்கு முன்பு கண்களுக்கு போடப்பட்டிருந்த மேக்கப்பை அழிக்கவும். கண்களைச் சுத்தப்படுத்திய பிறகே தூங்கச் செல்ல வேண்டும்.

* சுத்தமான டவல் உபயோகிப்பது நல்லது. வேறொருவர் பயன்படுத்திய டவலை உபயோகப்படுத்துவதைத் தவிர்க்கவும்.

இத்தகைய எளிய வழிமுறைகளைப் பின்பற்றினால், கண்கள் இரண்டும் எப்போதும் ஆரோக்கியமாக இருக்கும்.

பிரதமராக விரும்பவில்லை - ஜெயலலிதா பேட்டி

2009-04-15T13:15:00.002+05:30

பிரதமராக வேண்டும் என்ற விருப்பம் தமக்கு இல்லை என்று அதிமுக பொதுச் செயலாளரும் முன்னாள் முதலமைச்சருமான ஜெயலலிதா கூறியுள்ளார்.

தேர்தலுக்கு பின் அப்போது உள்ள நிலைமை அடிப்படையில் பாமக, மதிமுக மற்றும் இடதுகாரிக் கட்சிகளுடன் தாம் ஆலோசனை நடத்தப் போவதாக அவர் கூறினார.

தனிhயர் தொலைக்காட்சி ஒன்றுக்கு பேட்டி அளித்துள்ள ஜெயலலிதா, தாம் பிரதமராக வேண்டும் என்பதை விட நாடு முன்னேற்றம் அடைய வேண்டும் என்பதே தனது விருப்பம் என்று தெரிவித்துள்ளார்.

தேர்தலுக்குப் பின்னர் வேறு கட்சிகளுடன் கூட்டணி அமைக்கப்படுமா என்ற கேள்விக்கு, ஒரு நல்ல அரசியல்வாதி தமக்கு கிடைக்கும் எந்த வாய்ப்பையும் புறம்தள்ளக்கூடாது என்று ஜெயலலிதா கூறியுள்ளார்.

தேர்தலுக்கு பிந்தைய கூட்டணி குறித்து இப்போதைக்கு எதுவும் கூறமுடியாது என்று தெரிவித்துள்ள அவர், மத்தியில் காங்கிரஸ் மற்றும் பாரதிய ஜனதா அல்லாத அரசு அமைய வேண்டும் என்பதற்காகவே இப்போது தாங்கள் பணியாற்றிக் கொண்டிருப்பதாக அவர் தெரிவித்தார்.

பாமக மற்றும் மதிமுக இடம்பெற்றிருக்கும் தமது தலைமையிலான கூட்டணி அனைத்து இடங்களிலும் வெற்றி பெறும் என்று ஜெயலலிதா நம்பிக்கை தெரிவித்தார்.

இலங்கை பிரச்சனை குறித்த் கேள்விக்கு பதிலளித்த ஜெயலலிதா, மத்தியில் ஆளும் காங்கிரஸ் மற்றும் மாநிலத்தில் ஆளும் திமுக ஆட்சிகள் இலங்கையில் அப்பாவி தமிழர்கள் கொலை செய்யப்படுவதை தடுக்கத் தவறிவிட்டன என்று குற்றம்சாட்டினார்.

வைகோவின் பேச்சு குறித்த கேள்விக்கு பதிலளித்த அவர், வைகோ தவறாக எதுவும் பேசவில்லை என்றும், அவர் முன்பு காங்கிரஸ் கூட்டணியில் இடம்பெற்றிருந்த போதும் இப்படி பேசியுள்ளார் என்று ஜெயலலிதா கூறினார்.

ஹாக்கி அணிக்கு உற்சாக வரவேற்பு

2009-04-15T10:04:00.003+05:30

புதுடில்லி: மலேசியாவில் நடந்த அஸ்லான் ஷா ஹாக்கி கோப்பையை 13 ஆண்டுகளுக்குப் பிறகு வென்று, டில்லி திரும்பிய இந்திய அணியினருக்கு உற்சாக வரவேற்பு அளிக்கப்பட்டது.

மலேசியாவில் இந்தியா, பாகிஸ்தான் உள்ளிட்ட ஐந்து அணிகள் பங்கேற்ற 18 வது அஸ்லான் ஷா கோப்பைக் கான ஹாக்கி தொடர் நடந்தது. இதன் பைனலில் மலேசியாவை 3-1 என்ற கோல்கணக்கில் வென்று அஸ்லான் ஷா ஹாக்கி கோப்பையை கைப்பற்றி சாதனை படைத்தது இந்தியா. சர்ச்சைகளை கடந்து அபாரமாக ஆடிய இந்திய வீரர்கள் தங்களது திறமையை நிரூபித்து காட்டினர். கோப்பை வென்ற இந்திய அணியினர் நேற்று முன்தினம் இரவு 10 மணிக்கு டில்லி திரும்பினர். இவர்களுக்கு இந்திரா காந்தி சர்வதேச விமான நிலையத்தில் உற்சாக வரவேற்பு அளிக் கப்பட்டது. இந்திய ஹாக்கி துணைக் கமிட்டி தலைவர் அஜித் பால் சிங், உறுப்பினர் ஏ.கே.மட்டூ மற்றும் நிர்வாகிகள் உட்பட பலர் அவர்களை வரவேற்றனர்.

அடுத்த இலக்கு: வெற்றி குறித்து அணியின் கேப்டன் சந்தீப் சிங் கூறுகையில், "" மலேசியாவில் பெற்ற வெற்றி அணியின் திறமையை வெளிப்படுத்தி உள்ளது. தொடருக்கு முன்பு எங்களால் முடியும் என்று உறுதியாக நினைத்து இருந்தோம். எங்கள் வீரர் சுனில் உண்மையான வீரர். ஹாக்கி தொடரின் போது அவரது தந்தை மரணம் அடைந்தார். இந்த வெற்றியை சுனிலின் தந்தைக்கு அர்ப்பணிக்கிறோம். எங்களது அடுத்த இலக்கு ஆசிய கோப்பை வெல்வது தான்,'' என்றார்.

இந்திய பயிற்சியாளர்:ஹாக்கி அணியின் மானேஜர் முன்னாள் வீரர் தனராஜ் பிள்ளை கூறுகையில், ""இந்திய பயிற்சியாளரின் கீழ் சிறப்பாக செயல் பட்டுள்ளோம். இந்திய ஹாக்கி அணிக்கு வெளிநாட்டு பயிற்சியாளர் தேவையில்லை என நினைக்கிறேன். இவர்களே சிறப்பாக செயல்படுகிறார்கள். சிறந்த வீரர் களை உருவாக்குகிறார் கள்,'' என்றார். பயிற்சியாளர் பொறுப்பில் இருக்கும் ஹரேந்திரா சிங் கூறுகையில்,"" கோப்பை வென்றது திருப்தி அளிக்கிறது. ஆனால் நாங்கள் இன்னும் நிறைய முன்னேற வேண்டும். அடுத்த தொடருக்குள் இவற்றை சரிசெய்து விடுவோம்,'' என்றார்.

கங்குலிக்கு சமர்ப்பணம் !!!!

2009-04-13T23:31:00.004+05:30

கங்குலி ஒரு சகாப்தம்

2009-04-10T16:36:00.011+05:30

இது தான் என்னோட முதல் பதிவு . இதில் எனக்கு பிடித்த தலைவன் கங்குலி பற்றி எழுதியிருக்கிறேன் . இவரை பற்றி ஒரு நாள் கூட நான் நினைக்காமல் இருந்ததில்லை . ஏன் பத்திரிகைகளும் செய்திகளும் கூட இவரை பற்றி பேசாமல் இருந்ததில்லை . இவரை பிடிக்கிறதோ பிடிக்கவில்லையோ ஆனால் இவரை தவிர்க்க முடியாது (love him or hate him but u cant ignore him) .
ஒரு முறை அல்ல இரு முறை மறுபிறவி எடுத்த பீனிக்ஸ் பறவை . ஆதரவாளர்கள் சூழ்ந்து இருக்கும் பொது ராஜாவாகவும் , எதிரிகள் அவரை ஒதுக்கிய போது போராளியாகவும் திகழ்ந்த திலகம் . டெண்டுல்கரை எல்லோரும் நூறு சதவிதம் நல்ல மனிதர் என்று கூறுவார் . டெண்டுல்கரை போல் இல்லாவிட்டாலும் அணிக்காக மிகவும் போராடியவர் . ஆரம்ப காலத்தில் மிகவும் நல்ல மட்டையாளராக திகழந்தவர் . அதி வேகமாக தொன்நூருஆயிரம் ரன்கள் அடித்தவர் . இவரை போல சிக்ஸர்கள் யாரால் அடிக்க முடியும் .
இந்தியா அணிக்கு தலைமை பதவி ஏற்பதற்கு முன்னர் வரை ஒரு நாள் போட்டிகளில் டெண்டுல்கரை விட அதிக சராசரி வைத்திருந்தார் . அதே போல் தொடர்ந்து ஆடியிருந்தால் அவரும் நாற்பது சதங்கள் கூடும் . ஆனால் வெற்றி யாருக்கும் நிரந்தரம் இல்லை . அவரது ஆட்டத்தில் சரிவு ஏற்பட்டாலும் அவர் அணிக்கு தலைமை வகித்து பல வெற்றிகளை தேடி கொடுத்தார் . அதனால் அவரது ஆட்டத்தை பற்றி யாரும் கண்டுக்கக்வில்லை . அவர் செய்த மிக பெரிய தியாகம் தனக்கு பதிலாக சேவாகை தொடக்க ஆட்டக்காரராக களம் இறக்கிவிட்டதுதான் . அது வரை கங்குலியும் டெண்டுல்கரும் மிக பிரமாதமான தொடக்க ஜோடிகளாக திகழ்ந்து வந்திருந்தனர் . எப்போது கங்குலி மூன்றாவதாக களம் இறங்க ஆரம்பித்தாரோ அப்போதிருந்து அவரது ஆட்டத்தில் முன் போல் நளினம் இல்லாமல் போய் விட்டது ... ( தொடரும் ) .....

ரொம்ப யோசிக்க வேண்டியதா இருக்கு

2009-04-09T15:29:00.003+05:30

ப்ளாக் கிரியேட் பண்ணி நாலு நாள் ஆகுது ஆனா ஒன்னும் எழுத வர மாட்டேங்குது ... எத பத்தி எழுதருதுனு தெரிய மாட்டேங்குது ... நமக்கு எதுல ஆர்வம் அதிகம்னு யோசிச்சு பாத்தா முட்டாள்கள் விளையாட்டுனு சொல்வாங்களே "கிரிக்கெட்" அதுல தாங்கே ஆர்வம் அதிகம் . சரி அத பத்தியே எழுதிடலாம்னு முடிவு பண்ணிட்டேன் . நாம தான் ஒரு வாட்டி முடிவு பண்ணிட்ட நம்ம பேச்ச நாமலே கேக்க மாட்டோமே ..... எதற்கும் என்னோட முதல் முழுமையான ப்ளாக நல்ல நாளான வெள்ளிகிழமை அன்னைக்கு தொடங்குகிறேன் ..... வரட்டா !!!!

First Blog

2009-04-06T15:31:00.000+05:30

Just for time pass